বৃহত্তৰ সানোৱা অঞ্চলত বিগত ইং ২৬/০৯/২০২২ তাৰিখ সোমবাৰে স্বাস্থ্য সেৱা অভিযান-২.০ ৰ অধীনত ৰাষ্ট্ৰীয় স্বাস্থ্য মিছন , অসমৰ উদ্যোগত ছিপাঝাৰ প্ৰাথমিক স্বাস্থ্য কেন্দ্ৰ আৰু গৰুখুটী ক্ষুদ্ৰ প্ৰাথমিক স্বাস্থ্য কেন্দ্ৰৰ যুটীয়া সহযোগত মাদ্ৰাছা ঈশ্বা আতুল উলুম , সানোৱা প্ৰাঙ্গণত এটি স্বাস্থ্য পৰীক্ষা শিবিৰ অনুষ্ঠিত হৈ যায়। দিনৰ ১০-০০ বজাত উক্ত স্বাস্থ্য পৰীক্ষা শিবিৰটোৰ শুভ উদ্বোধন কৰে স্থানীয় বিধায়ক ডঃ পৰমানন্দ ৰাজবংশী দেবে। উক্ত শিবিৰটোত যোগদান কৰি সেৱা আগবঢ়োৱা চিকিৎসক সকল হ'ল ক্ৰমে ডাঃ ধৰ্মকান্ত নাথ , ডাঃ খনীন দাস , ডাঃ প্ৰহ্লাদ শৰ্মা , ডাঃ দুৰ্গেশ্বৰ শৰ্মা , ডাঃ ত্বীষা গুপ্তা , ডাঃ চেহনাজ নাচৰিন ইছলাম , ডাঃ মুকুল ঠাকুৰীয়া , ডাঃ জয়ন্ত শৰ্মা আৰু ভুমিধৰ দাস । উদ্যোক্তা সকলে জনোৱা মতে উক্ত দিনা এই শিবিৰটোত বৃহত্তৰ সানোৱা আৰু নিকটৱৰ্তী অঞ্চকৰ প্ৰায় সাত শতাধিক লোকে চিকিৎসা সেৱা গ্ৰহণ কৰে।