নলবাৰী জিলাৰ পূৱপ্ৰান্তৰ ঐতিহ্যপূৰ্ণ ধৰ্মীয় উপসনা স্থলী পশ্চিম বড়িগোগ সাৰ্ব্বজনীন শ্ৰীশ্ৰী দুৰ্গাপূজা মণ্ডপ পৰিচালনা সমিতখন দেওবাৰে নতুনকৈ গঠন কৰে৷তদুপলক্ষে পৰিচালনা সমিতিৰ সভাপতি নিৰঞ্জন চন্দ্ৰ ডেকাৰ সভাপতিত্বত অনুষ্ঠিত হোৱা ৰাজহুৱা সভাত পৰিচালনা সমিতিৰ সম্পাদক ড°খনীন্দ্ৰ শৰ্মাই বিগত বছৰৰ হিচাব নিকাচ দাখিল কৰাৰ লগতে বাৰ্ষিক কাৰ্য্যবিৱৰণি পাঠ কৰে৷ইয়াৰ পিচতে ৰাইজৰ মাজত বহুতো আলোচনা বিলোচনাৰ পিচত পূনৰাই নিৰঞ্জন চন্দ্ৰ ডেকাক সভাপতি আৰু ড°খনীন্দ্ৰ শৰ্মাক সম্পাদক হিচাবে লৈ আগন্তুক তিনি বছৰৰ বাবে সোতৰ জনীয়া নতুন সমিতি গঠন কৰে৷