সাপেখাতিৰ শালকাঠনিত গণ প্ৰহাৰত প্ৰাণ গ'ল এজনৰ।চৰাইদেউ জিলাৰ সাপেখাতিৰ শালকাঠনি চাহ বাগিচাত সংঘটিত হোৱা লোমহৰ্ষক হত্যাকাণ্ডই চাঞ্চল্য সৃষ্টি কৰিছে অঞ্চলটোত। আজি পুৱাৰ ভাগত সংঘটিত হত্যাকাণ্ডৰ পাছতে চেপা উত্তেজনাই বিৰাজ কৰিছে চাহ বাগিচাখনত। তথ্য অনুসৰি চাহ বাগিচা খনৰ মঙলু তাঁতী নামৰ লোকজনক মৰিয়াই মৰিয়াই হত্যা কৰে একাংশ লোকে। অঞ্চলটোত বিভিন্ন সময়ত সন্ত্ৰাস চলায় অহা মঙলুৱে কিছুদিনৰপৰা যুৱতী-মহিলা আদি কৰি সকলোকে অশ্লীল মাতকথাৰে বিনা কাৰণত গালি-গালাজ কৰি আহিছিল। আজি পুৱাও তেনে পৰিস্থিতি সংঘটিত হোৱাৰ পৰিপ্ৰেক্ষিতত অতীষ্ঠ হৈ একাংশ লোকে আজি মাৰপিট কৰাৰ ফলত ঠিতাতে নিহত হয় লোকজনৰ। ইফালে ঘটনা সন্দৰ্ভত সাপেখাতি আৰক্ষীয়ে অনুসন্ধান অব্যাহত ৰাখিছে।