ડીસામાં ભારત વિકાસ પરિષદની નવી ટીમે પદભાર સંભાળ્યો..

ડીસામાં ભારત વિકાસ પરિષદ (મહાવિજય શાખા) દ્વારા વર્ષ ૨૦૨૬ માટેના નવનિયુક્ત હોદ્દેદારોનો 'દાયિત્વ ગ્રહણ સમારોહ' લાયન્સ ક્લબ હોલ ખાતે યોજાયો હતો. આ સમારોહમાં નવી ટીમે પોતાનો પદભાર સંભાળ્યો હતો.

આ પ્રસંગે ગોતરકાના બ્રહ્મચારી આશ્રમના પૂજ્ય નિજાનંદબાપુએ આશીર્વચન પાઠવ્યા હતા. કાર્યક્રમમાં મુખ્ય મહેમાન તરીકે બનાસકાંઠા જિલ્લા ભાજપ મહિલા મોરચાના ઉપપ્રમુખ પૂજાબેન કલ્પેશભાઈ ઠક્કર અને જલિયાણ ગૌશાળાના ટ્રસ્ટી મહેશભાઈ લીલાધરભાઈ ઉદેચ ખાસ ઉપસ્થિત રહ્યા હતા.

અતિથિ વિશેષ તરીકે રિજિયોનલ સેક્રેટરી (મહિલા સહભાગિતા) સોનલબેન એન. મોઢ અને ભા.વિ.૫. ગુજરાત ઉત્તરના પ્રમુખ કમલભાઈ ચંદારાણાએ હાજરી આપી નવી ટીમને પ્રોત્સાહિત કરી હતી.

સમારોહમાં વર્ષ 2026 માટે કમલેશભાઈ આર. સચ્ચએ પ્રમુખ તરીકે, દિલીપભાઈ ડી. રતાણી (ઠક્કર)એ મંત્રી તરીકે, નટુભાઈ કે. હેરુવાલાએ ખજાનચી તરીકે, ફાલ્ગુનીબેન ડી. ઠક્કરે મહિલા સહભાગિતા તરીકે અને મહેશભાઈ રાઠોડે ઉપપ્રમુખ તરીકે પોતાનું દાયિત્વ સ્વીકાર્યું.

આ સમગ્ર કાર્યક્રમનું સફળ આયોજન નિમંત્રક ટીમમાં સામેલ પ્રમુખ દિનેશભાઈ વી. ઠક્કર, ખજાનચી હસમુખભાઈ આઈ. દવે અને મહિલા સંયોજિકા દક્ષાબેન પી. જોષી દ્વારા કરવામાં આવ્યું હતું. કાર્યક્રમના અંતે તમામ સભ્યોએ સાથે મળી સ્વરૂચિ ભોજન લીધું હતું.