নাৰায়ণপুৰ উন্নয়ণ খন্ডৰ অন্তৰ্গত শিমলুগুৰি গাঁও পঞ্চায়তত আজি আড়ম্বৰতাৰে উদ্‌যাপন কৰা হয় দেশৰ ৭৫ তম স্বাধীনতা দিৱস ৷ গাঁও পঞ্চায়তৰ সভানেত্ৰী শিখামনী বৰকটকীয়ে জাতীয় পতাকা উত্তোলন কৰাৰ অন্তত পঞ্চায়তবাসীক উদ্দেশ্যি বক্তব্য প্ৰদান কৰাৰ লগতে সকলোলৈ স্বাধীনতা দিৱসৰ শুভকামনা জ্ঞাপন কৰে ৷ ইয়াৰ পাছতে পঞ্চায়তটোৰ অন্তৰ্গত ছাত্ৰ ছাত্ৰীসকলক লৈ অনুষ্ঠিত হোৱা বিভিন্ন প্ৰতিযোগিতাৰ পুৰস্কাৰ প্ৰদান কৰা হয় ৷ অনুষ্ঠানত উপস্থিত থাকে  বিধায়ক অমিয় কুমাৰ ভূঞা আৰু পঞ্চায়তটোৰ অন্তৰ্গত বিশিষ্ট ব্যক্তি আৰু গৰিষ্ঠসংখ্যক পঞ্চায়তবাসী ৷ উল্লেখ্য যে বিগত স্বাধীনতা দিৱসৰ তুলনাত এইবাৰ অভুতপূৰ্ব লোকে দিৱসটোত অংশগ্ৰহণ কৰে ৷