ডবকাঃ হোজাই জিলাৰ ডবকা আৰক্ষী থানাৰ অন্তৰ্গত চাংমাজিত পুখুৰীত উপঙি থকা অৱস্থাত এগৰাকী মহিলাৰ মৃতদেহ উদ্ধাৰ হয় ৷ ইয়াকে লৈ সমগ্ৰ ডবকাতে ব্যাপক চাঞ্চ্যল্যৰ সৃষ্টি হৈছে ৷ জানিব পৰা মতে চাংমাজি গাৱৰ কাচিক ৰংপিপী নামৰ জনজাতীয় মহিলা গৰাকী যোৱা দেওঁবাৰে নিশা ঘৰৰ পৰা ওলায় গৈছিল ৷ তেতিয়াৰে পৰা মহিলাগৰাকী নিৰুদ্দেশ হৈ আছিল ৷ পৰিয়ালৰ লোকে মহিলা গৰাকীক বহু বিচাৰ খোচৰ কৰিছিল যদিওঁ মহিলা গৰাকীৰ কোনো সন্ধান উলিয়াব পৰা নাছিল ৷ এই সন্দৰ্ভত পৰিয়ালৰ লোকে ডবকা আৰক্ষী থানাত এক এজাহাৰো দাখিল কৰিছিল ৷ আৰক্ষীয়ে নিৰুদ্দেশ হোৱা মহিলা গৰাকী সন্দৰ্ভত তদন্ত  কৰি থাকেতেই আজি দুপৰীয়া মহিলা গৰাকীৰ ঘৰৰ পিছফালে থকা পুখুৰীত মহিলা গৰাকীৰ মৃতদেহ পৰিয়ালৰ লোকে দেখি হৈ চৈ লগায় ৷ পাছত ঘটনাস্থলিত ডবকা আৰক্ষী উপস্থিত হৈ মৃতদেহটো উদ্ধাৰ কৰি মৰণোত্তৰ পৰীক্ষাৰ বাবে নগাওঁ ভোগেশ্বৰী ফুকননী অসামৰিক চিকিৎসালয়লৈ প্ৰেৰন কৰে ৷ মহিলা গৰাকীয়ে নিজে আত্মহত্যা কৰিছে নে কোনো লোকে হত্য কৰি পেলায় থৈ গৈছে , সেইয়া আৰক্ষীৰ প্ৰকৃত তদন্ততহে ওলায় পৰিব ৷