কামৰূপ জিলাৰ পশ্চিম বড়িগোগ মৌজাৰ গড়পোট নিবাসী অৱসৰপ্ৰাপ্ত শিক্ষক ভূপেন বেজবৰুৱাৰ একমাত্ৰ পুত্ৰ ডা°পাৰ্থপ্ৰতীম বেজবৰুৱাৰ এটি ভয়ংকৰ বাইক দুৰ্ঘটনাত পতিত হৈ চিকিৎসাধীন অৱস্থাত মৃত্যুক আকোঁৱালি লোৱা বাতৰিয়ে অঞ্চলজুৰি শোকবিহ্বল কৰি তুলিছে৷মেধাবী ছাত্ৰ তথা ২০১৪ চনত হাইস্কুল শিক্ষান্ত পৰীক্ষাত সপ্তম স্থান দখল কৰি ৰাজ্য তথা অঞ্চললৈ গৌৰৱ কঢ়িয়াই অনা যুৱক জনৰ মৃত্যুক কোনোৱে সহজভাৱে লৱ পৰা নাই৷মেধাবী যুৱক জনে পৰবৰ্তী সময়ত এজন সু- চিকিৎসক হিচাবে প্ৰতিষ্ঠিত হৈছিল৷অতিপাত শান্ত শিষ্ট তথা সকলোৰে মাজত সহজতে মিলি যাৱ পৰা যুৱকজনৰ মৃত্যুত তেওঁ অধ্যায়ত কৰা শিক্ষানুষ্ঠান শংকৰদেৱ বিদ্যা নিকেতন,বাহাৰঘাট আৰু বাৰাংহাটী শংকৰদেৱ শিশু/ বিদ্যা নিকেতনটো শোকৰ ছাঁ পৰিছে৷তদুপৰি অঞ্চলৰ সকলো অনুষ্ঠান প্ৰতিষ্ঠানেে গভীৰ শোক প্ৰকাশ কৰাৰ লগতে ৫৭তম বাৰাংহাটী ৰঙালী বিহু সন্মিলনৰ উদ্যোগত বাৰাংহাটী এম ভি স্কুল খেলপথাৰত চলি থকা বিহু কৰ্মশালা আজিৰ দিনটোৰ বাবে স্থগিত ৰাখিছে বুলি উদ্যোক্তা সমিতিয়ে প্ৰকাশ কৰিছে৷বিশিষ্ট ক্ৰীড়ানুৰাগী যুৱকজনৰ দুৰ্ভাগ্যজনক মৃত্যুৰ বাতৰিত মৰ্মাহত হৈছে সহকৰ্মী সকল৷