খোৱাং আঞ্চলিক বন বিষয়া কাৰ্যালয়ৰ অন্তৰ্গত মৰাণৰ ঠেঙাল গাঁ‌ও আৰু ঘুগুলনি বৰবামত  বন বিভাগ আৰু আৰক্ষীয়ে যুটীয়াভাৱে অভিযান চলাই দুটাকৈ অবৈধ কাঠফলা মিল জব্দ কৰে ।  এই অভিযানত বন বিভাগৰ লোকে এটা মেচিনসহ মিল দুটা জব্দ কৰি লৈ আহে । অৱশ্যে এই অভিযানত কোনো লোকক আটক কৰিবলৈ সক্ষম নহ'ল । খোৱাং আঞ্চলিক বন বিভাগৰ লোকে জানিবলৈ দিয়া অনুসৰি খোৱাং অঞ্চলত চলি থকা এনেধৰণৰ বহু কেইটা অবৈধ কাঠফলা মিল পৰ্যায় ক্ৰমে জব্দ কৰা হ'ব ।