સુરત જિલ્લાના કામરેજ વિસ્તારમાં આવેલા પાસોદરા ખાતે રહેતા 25 વર્ષીય આશાસ્પદ યુવકની બાઈકને બેફામ બનેલા ફોર વ્હીલ ચાલકે અડફેટે લેતા સારવાર દરમ્યાન તેનું મોત થતાં પરિવારમાં ગમગીની છવાઈ ગઈ હતી.કામરેજના પાસોદરા પાટીયા નજીક વિક્ટોરિયા ટાઉન શીપની બાજુમાં આવેલા નવકાર ઍવન્યું એપાર્ટમેન્ટમાં રહેતા 25 વર્ષીય યુવક અક્ષય દલસુખભાઈ ગોંડલીયા ફેબ્રીકેશનનું કામ કરતો હતો.જે બુધવારના રોજ તેમના પિતાનું યુનિકોર્ન બાઈક નંબર GJ05LM - 4189 લઈ તેમના કામ અર્થે કઠોરથી વેલંજા તરફ જઈ રહ્યો હતો. ત્યારે પૂરપાટ ઝડપે જઈ રહેલી કીવદ ફોર વ્હીલ ગાડી નંબર GJ05JN-8967 ના ચાલકે યુનિકોર્ન બાઈકને અડફેટે લેતાં અક્ષય અકસ્માતમાં ધવાયો હતો.ઘટના સ્થળે આવી પહોંચેલી 108 એમ્બ્યુલન્સ મારફતે તેને સારવાર અર્થે સુરત સ્મીમેર હોસ્પીટલ ખાતે લઇ જવાયો હતો.અકસ્માતમાં જમણા હાથ પગે તેમજ ગંભીર રીતે ઘવાયેલાં અક્ષયનું સારવાર દરમ્યાન સ્મીમેર હોસ્પીટલના આઇસીયુ વોર્ડમાં જ મોત નિપજ્યું હતું.અકસ્માતની ઘટના અંગે મૃતક અક્ષયના પિતા દલસુખભાઈ ગોંડલીયાએ કામરેજ પોલીસ મથકે ફોર વ્હીલ ચાલક વિરૂદ્ધ ગુનો નોંધાવતા કામરેજ પોલીસે અકસ્માતનો ગુનો નોંધી આગળની કાર્યવાહી હાથ ધરી હતી.