ધાનેરાના ગોલા ગામ પાસેથી બનાસકાંઠા એલસીબી પોલીસે એક દારૂની હેરાફેરી કરતી ક્રેટા ગાડી ઝડપી પાડી છે. પોલીસને મળતી બાતમી હકીકતના આધારે ગોલાગામ વિસ્તારમાં એક શંકાસ્પદ ક્રેટા ગાડીની તપાસ દરમિયાન ગાડીમાંથી મોટી માત્રામાં દારૂ મળી આવ્યો હતો. જેથી પોલીસે ગાડી ચાલક સહિત કુલ મુદ્દામાલ કબ્જે કરી આગળની તપાસ હાથ ધરી છે.

બનાસકાંઠા એલસીબી પોલીસ ધાનેરા પોલીસ સ્ટેશન વિસ્તારમાં પેટ્રોલિંગમાં હતી જે સમય દરમિયાન ધાનેરા તાલુકાના ગોલા ગામ નજીક એક ક્રેટા ગાડી દારૂની હેરાફેરી કરે છે. જે આધારે એલસીબી પોલીસે બાતમી રાખી હકીકતો વાળી જગ્યાએ રેડ કરતા એલસીબી પોલીસને દારૂ ભરેલી ક્રેટા ગાડી ઝડપી પાડી હતી.

એલસીબી પોલીસે ક્રેટા ગાડી નં. Gj 07 dd 4555 કબજે લઈ ગાડીના ચાલક અશોક કુમાર ભગીરથ રામ બિસનોઈ (રહે બલાના જી સાંચોર. રાજસ્થાન) વાળાને ઝડપી પાડી 7 લાખ 69 હજારનો મુદ્દામાલ કબ્જે કરી ગાડી ચાલાક વિરુદ્ધ ધાનેરા પોલીસ મથકે ગુનો નોંધી આગળની તપાસ હાથ ધરી છે.