মহৰীয়াদলত থকা গৰখীয়া মন্দিৰৰ তিনিটাকৈ পুখুৰীত কোনো দুষ্কৃতিকাৰীয়ে বিষ দিয়াৰ অভিযোগ কৰিছে মন্দিৰ কৰ্তৃপক্ষই। শুক্ৰবাৰে ৰাতিপুৱা পুখুৰীকেইটাত বহুতো মাছ মৰি ওপঙি থকা প্ৰত্যক্ষ কৰা হয়। ডেৰ-দুই কিলোগ্ৰাম পৰ্যন্ত ডাঙৰ ৰৌ, ভকুৱা মাছৰ লগতে মিৰিকা আদি মাছকে ধৰি প্ৰায় আঢ়ৈ কুইন্টল মৰা মাছ পানীৰ পৰা উঠাই মাটিত গাঁত খান্দি পুতি থয় মন্দিৰ সমিতিৰ লোকে। সন্দেহ কৰা মতে আগ নিশা দুষ্কৃতিকাৰীয়ে নিশাৰ আন্ধাৰৰ সুযোগ লৈ এনে অপকৰ্ম সংঘটিত কৰে।