কিমান সফল হৈছে প্ৰধানমন্ত্ৰীৰ জলজীৱন মিছন আঁচনি ? দেৰগাৱঁৰ সমীপৱৰ্তী ৰঙামাটিৰ চেৱনী গাৱঁত দেখিবলৈ পোৱা গৈছে এখন বিপৰীত ছবিহে । কৃষিমন্ত্ৰী গৰাকীৰ গৃহ সমষ্টিৰ এই অঞ্চলটোত ভালুকৰ সাঙীতহে পৰিণত হৈছে জলজীৱন মিছন । ঘৰে ঘৰে সংযোগ কৰা হৈছে পানীৰ টেপ । কিন্তু নোলায় পানী । অঞ্চলটোৰ প্ৰায় ২০০ ৰো অধিক পৰিয়াল বঞ্চিত হৈছে বিশুদ্ধ পানীৰ পৰা । ৰাইজৰ দাবী চৰকাৰে কোটিটকীয়া এই আঁচনিৰ সঠিক ৰূপায়ন কৰক ।