બનાસકાંઠા જીલ્લામાં વધતી જતી અકસ્માતની ઘટના વચ્ચે વધુ એક અકસ્માતની ઘટના ડીસા મહાકાળી માતાના મંદિર નજીક બની છે.. મહાકાળી માતાના મંદિર નજીક ઇકો કાર અને ટ્રક વચ્ચે સર્જાયેલા આ અકસ્માતમાં ચાર લોકોને ઇજાઓ પહોંચી છે.. અકસ્માત બાદ ટ્રક ચાલક ઇકોને ટક્કર મારીને ફરાર થઈ રહ્યો હતો ત્યારે હાઇવે ટ્રાફિક પોલીસે ટ્રકને રોકાવીને ચાલકને ઝડપી પાડ્યો હતો.. આ ઘટનાને પગલે નેશનલ હાઇવે ઓથોરીટીની વાન ઘટનાસ્થળ પર પહોંચી જતાં ૧૦૮ને જાણ કરવામાં આવી હતી અને ઇજાગ્રસ્તોને સારવાર માટે ખસેડવામાં આવ્યા હતા અને હાઇવે પર અકસ્માતને પગલે સર્જાયેલા ટ્રાફિકને દૂર કરવામાં આવ્યો હતો.