સમગ્ર પંચમહાલ સહિત હાલોલ પંથકમાં તેજ તરાર તેજાબી વક્તા તરીકે જાણીતા પંથકના ફાયર બ્રાન્ડ લેડી મુકતી જાદવે આમ આદમી પાર્ટીમાંથી હાલોલ વિધાનસભાની બેઠક માટે ટિકિટની માંગણી કરી હતી પરંતુ આમ આદમી પાર્ટી દ્વારા તેઓની માંગણીને નકારી દઈ ઘોઘંબાના ભરત રાઠવાને ટિકિટ ફાળવવામાં આવતા નારાજ થયેલા મુક્તિ જાદવે આમ આદમી પાર્ટી સામે બાંયો ચડાવી લડતના મંડાણ કરી 128 હાલોલ વિધાનસભા બેઠક પરથી અપક્ષ તરીકે ઉમેદવારી નોંધાવી ચૂંટણી જંગ લડવાનો મક્કમ નિર્ધાર કર્યો હતો જેમાં અપક્ષ તરીકે ઉમેદવારી પત્ર ભરી હાલોલ વિધાનસભાના રાજકીય સમીકરણો બદલી નાખનાર પંથકની ફાયર બ્રાન્ડ લેડી મુક્તિ જાદવે આજરોજ હાલોલ વિધાનસભાના ભારતીય જનતા પાર્ટીના ઉમેદવાર અને વર્તમાન ધારાસભ્ય જયદ્રથસિંહ પરમારના ગામ કંજરી ખાતે આવેલા શ્રી રામજી મંદિર ખાતે પૂજા અર્ચના કરી કંજરી ગામમાંથી પોતાની ચૂંટણી પ્રચારના શ્રી ગણેશ કરી પોતાના ઝંઝાવાતી ચૂંટણી પ્રચારનો આરંભ કર્યો હતો.