पुणे:उत्तरभारतीयांच्या महत्वाच्या सणांपैकी एक असणारी छट पूजा ३० ऑक्टोबर रोजी होणार असून छट पूजेसाठी वाघोली येथील भैरवनाथ तळ्याकाठी स्थानिक लोकप्रतिनिधी व महापालिकेच्यावतीने स्वच्छता करण्यात येत आहे. छट पुजेसाठी येणाऱ्या नागरिकांना शांततेत पूजा करता यावी यासाठी भैरवनाथ तळे परिसरात विद्युत रोषणाई करून सुरक्षा रक्षक व पोलीसांचा बंदोबस्त असणार आहे. नागरिकांनी बिनदिक्कतपणे याठिकाणी येऊन पूजा करावी असे आवाहन करण्यात आले आहे.