खेड : मुंबई गोवा महामार्गावर अपघाताचा महामार्ग बनत चालला आहे. मंगळवारी अवजड वाहतूक करणाऱ्या ट्रकचा भीषण अपघात झाला. यामध्ये चार वाहनांचा अपघात झाला. खेडमधील भोस्ते घाटातील अवघड वळणावर हा अपघात झाला. यामध्ये ट्रकने एसटी बस, दोन दुचाकी ,आणि महिंद्रा पिकअप अशा चार वाहनांना धडक दिली आहे. हा ट्रक इतका भरधाव वेगात होता यामुळे संरक्षण भिंतीला जोरदार ठोकर देत थांबला.

या भीषण अपघातामध्ये ५ जण गंभीर जखमी झाले आहेत. तर अपघातानंतर महामार्गावरती सगळीकडे ऑइल पसरल्यामुळे अनेक वाहने घसरत आहेत. गेल्या एक तासापासून एकेरी मार्ग सुरू असल्याने वाहतुकीचा बोजवार उडाला, दरम्यान घाटातून हळुहळु ही वाहतुक सुरू करण्यात आली याबाबत पोलिसांना माहिती मिळताच पोलीस घटनास्थळी दाखल होत तात्काळ उपाययोजना केली.