ভাৰত ভূটান সীমান্তৰ পৰা বৈ অহা শুক্লাই নদীৰ উফন্দি উঠা বাঢ়নি পানীয়ে জিলাখনৰ ভেৰগাঁ‌ও মহকুমাৰ শুক্লাই নদীৰ মাথাউৰি চিঙাৰ ফলত খাগ্ৰাবাৰী, নলবাৰী অঞ্চলৰ কেইবাখনো গাঁৱৰ চাৰি শতাধিক পৰিয়ালৰ ঘৰ-বাৰী জলমগ্ন হৈ ৰাইজৰ অৱস্থা শোচনীয় হৈ আশ্ৰয় শিৱিৰত থাকিবলগীয়া হোৱাৰ খৱৰ পাই আজি বিটিআৰৰ মুখ্য কাৰ্যবাহী সদস্য প্ৰমোদ বড়ো খাগ্ৰাবাৰীত উপস্থিত হৈ বান পৰিস্থিতিৰ বুজ লয়৷ পৰহি নিশা ওদালগুৰি জিলাৰ শিংৰীবাৰীত শুক্লাই নদীৰ বাঢ়নি পানীয়ে চিঙা মথাউৰিটো আজি প্ৰমোদ বড়োৱে পৰিদৰ্শন কৰি বিভাগীয় বিষয়া আৰু জিলা প্ৰশাসনৰ প্ৰতিনিধিক অতি শীঘ্ৰে চি্ঙা মথাউৰি মেৰামতি কৰাৰ নিৰ্দেশ দিয়ে৷ আনহাতে তেওঁ খাগ্ৰাবাৰী জনতা মধ্য ইংৰাজী বিদ্যালয়ৰ আশ্ৰয় শিৱিৰত আশ্ৰয় গ্ৰহণ কৰি থকা চাৰি শতাধিক বানাক্ৰান্ত ৰাইজৰ সৈতে মতবিনিময় কৰি খাদ্য-সামগ্ৰীকে ধৰি সাহায্য প্ৰদানৰ বুজ লৈ বানাক্ৰান্তৰ জীৱিকা নিৰ্বাহ কৰাৰ বাবে বিটিআৰ চৰকাৰে বিভিন্ন আঁচনি গ্ৰহণ কৰাৰ কথা ব্যক্ত কৰে।