লক্ষীমপুৰত বিহু বিকৃতকৰণৰ বিৰুদ্ধে ত্ৰীব্ৰ প্ৰতিবাদ সাব্যস্ত হ'ল মঙ্গলবাৰে। অসমীয়া যুব মঞ্চৰ জিলা সমিতিয়ে লক্ষীমপুৰ চহৰৰ মূল চাৰিআলিত সাব্যস্ত কৰিলে উত্তাল প্ৰতিবাদ । দাহ কৰিলে অসম চৰকাৰৰ সাংস্কৃতিক মন্ত্ৰী বিমল বৰাৰ পুত্তলিকাও । সোমবাৰে দিল্লীৰ দৰবাৰত মালদ্বীপৰ ৰাষ্ট্ৰপতিক আদৰণি জনাইছিল অসমীয়া বিহুৰে। উপস্থিত আছিল প্ৰধানমন্ত্ৰী নৰেন্দ্ৰ মোদী । কিন্তু এই বিহুক উপস্থাপন কৰা হৈছিল বিকৃত ৰূপত । সেয়ে মঙ্গলবাৰে বিহুৰ এই বিকৃতকৰণৰ বিৰুদ্ধে প্ৰতিবাদ সাব্যস্ত কৰে অসমীয়া যুব মঞ্চৰ কৰ্মী সকলে ।