গোলাঘাট জিলাৰ কমাৰগাঁৱৰ বৰচাপৰিত আজি এটা প্ৰকাণ্ড অজগৰ উদ্ধাৰ কৰিবলৈ যাওতে অজগৰটোৱে দংশন কৰিলে দুজন লোকক। জানিব পৰা মতে কমাৰগাঁৱৰ কৃষক তুলসী ফুকনে বৰচাপৰিত থকা কৃষি পাৰ্মত কাম কৰি থকা অৱস্থাত এটা প্ৰকাণ্ড অজগৰ প্ৰত্যক্ষ কৰি স্থানীয় যুৱক দেৱজিত ফুকনৰ সহযোগত উদ্ধাৰ কৰিবলৈ লওঁতে অজগৰটোৱে দুয়োজনকে দংশন কৰে। অৱশ্যে সাহসী দুইজন লোকে আজৰগটোক উদ্ধাৰ কৰি নুমলীগড় বন বিভাগক চমজাই দিয়ে। অজগৰে দংশন কৰাত লোক দুজনে চিকিৎসকৰ পৰামৰ্শ লয় আৰু বৰ্তমান সুস্থ হৈ আছে বুলি জানিব পৰা গৈছে।