মৰিগাঁও জিলা প্ৰশাসনৰ উদ্যোগত আৰু ছহীদ তিলক- হেমৰাম-গুনাভিৰাম অসামৰিক চিকিৎসালয়ত অনুষ্ঠিত হয় এক ৰক্তদান শিবিৰ । পুৱা অনুষ্ঠিত ৰক্তদান শিবিৰৰ শুভাৰম্ভ কৰি উপায়ুক্ত দেবাশীষ শৰ্মাই মৰিগাঁও চিভিল হস্পিতালস্থিত জিলাখনৰ একমাত্ৰ ৰক্তভাণ্ডাৰটো উন্নত কৰাৰ প্ৰচেষ্টা লোৱা হ'ব বুলি কয়। আজিৰ ৰক্তদান শিবিৰত ৰেডক্ৰছ চচাইটী, স্থানীয় স্বেচ্ছাসেৱী সংগঠনৰ সদস্যৰ লগতে জিলা প্ৰশাসনৰ শীৰ্ষ বিষয়া আৰু স্বাস্থ্যকৰ্মীয়েও ৰক্তদান কৰে। সমগ্ৰ ৰক্তদান শিবিৰৰ তদাৰক মৰিগাঁও চিভিল হস্পিতালৰ ভাৰপ্ৰাপ্ত অধীক্ষক ডাঃ অৰুণ নাথে ৰাইজক ৰক্তদানৰ দৰে মহান দান কৰাৰ বাবে আগবাঢ়ি আহিবলৈ আহ্বান জনায় ।