বৰভাগত অচিৰে শ্বহীদ মুকুন্দ কাকতিৰ প্ৰতিমুৰ্তি স্থাপন কৰা হব৷এই মন্তব্য বৰক্ষেত্ৰী সমষ্টিৰ প্ৰাক্তন বিধায়ক তথা জি এম ডি এৰ অধ্যক্ষ নাৰায়ণ ডেকাৰ৷আজি বৰভাগৰ ক্ষুদ্ৰ কুলহাটীত শ্বহীদ মুকুন্দ কাকতি স্মৃতি ন্যাসৰ উদ্যোগত আয়োজিত ৮১ সংখ্যাক স্মৃতি দিৱসৰ অনুষ্ঠানত উপস্থিত থাকি অধ্যক্ষ গৰাকীয়ে এই মন্তব্য কৰে৷তেওঁ কয় যে শ্বহীদ গৰাকীৰ স্মৃতিৰ লগত বৰভাগৰ আবেগ জৰিত হৈ আছে৷তাক সন্মান জনোৱাটো অতিপাত প্ৰয়োজন৷স্মৃতি ৰক্ষা সমিতিৰ সভাপতি ফনীন্দ্ৰনাথ চক্ৰৱৰ্তীৰ সভাপতিত্বত অনুষ্ঠিত মুকলি সভাত প্ৰাক্তন বিধায়ক নাৰায়ণ ডেকাৰ লগতে বহুত কেইজন বিশিষ্ট লোক উপস্থিত আছিল৷সভাখনত এখন স্মৃতি গ্ৰন্থও উন্মোচন কৰা হয়৷