উচ্চ শিক্ষা ৰে শিক্ষিত হৈও চৰকাৰী চাকৰি লাভ কৰিবলৈ সক্ষম নোহোৱা যুৱক জন প্ৰথম অৱস্থাত হতাশ ত ভুগিছিল।'কৰ্মই ধৰ্ম'এই কথাষাৰ মনত ৰাখি নিজৰ হাতত জমা থকা সামান্য মূলধনেৰে ঘৰতে সৰুকৈ আৰম্ভ কৰিলে গাহৰি ফাৰ্ম ।যুৱক জন হৈছে ঘিলামৰাৰ টেঙা আম মাজ গাঁওৰ গিতাচ চেতিয়া ।বহু বছৰ চৰকাৰী চাকৰি বিচাৰি অৱশেষত চাকৰিৰ বাবে বয়স পাৰ হৈ যোৱাত কম্পিউটাৰ চেণ্টাৰ  খুলি জীৱন নিৰ্বাহ কৰি অহা গিতাচ চেতিয়াই গাহৰি পালনৰ প্ৰশিক্ষণ গ্ৰহণ কৰি ২0১৮ চনত আৰম্ভ কৰে গাহৰি ফাৰ্ম।এবছৰ পাছত লাভৰ মুখ দেখিবলৈ সক্ষম হয় উদ্যমী যুৱক জন।উন্নত প্ৰজাতি গাহৰি পালন কৰি স্বাৱলম্বী হোৱা গিতাচ চেতিয়া নিবনুৱা যুৱক যুৱতী ৰ বাবে উৎকৃষ্ট নিদৰ্শন হৈ থিয় দিছে।