લાયન્સ કલબ ઓફ ઉમરેઠ, દ્વારકેશ હોસ્પિટલ તથા સ્માઈલ ડેન્ટલ હોસ્પિટલ દ્વારા આજરોજ નિશુલ્ક મેડિકલ કેમ્પનું આયોજન કરવામાં આવ્યું હતું. દ્વારકેશ હોસ્પિટલના એમ.ડી. ડોક્ટર જૈમીનભાઈ પટેલ તથા સ્માઇલ ડેન્ટલ હોસ્પિટલના ડોક્ટર ધ્રુમિલભાઈ પટેલ દ્વારા આજરોજ દર્દીઓને ડાયાબિટીસ, બ્લડ પ્રેશર તથા દાંતના રોગોનું નિશુલ્કમાં તપાસ કરી જરૂરિયાતવાળા દર્દીઓને દાંતની સારવાર કરી જરૂરી માર્ગદર્શન આપેલ હતું. લાયન્સ કલબ ઓફ ઉમરેઠ દ્વારા બંને ડોક્ટરોને બીરદાવતા બુકે અને શાલ ઓઢાડી સન્માન કરવામાં આવેલ. પ્રમુખ બિજલબેન ગાભાવાલા, વિજયભાઈ ભટ્ટ, પ્રોજેક્ટ ચેરમેન દિપકભાઈ શેઠ, રમેશભાઈ રાણા, ગનીભાઈ વહોરા, ઘનશ્યામભાઈ પરમાર, રાકેશભાઈ પટેલ, શાંતિલાલ રાણા તથા જગદીશભાઈ અગ્રવાલ ઉપસ્થિત રહી ડૉક્ટરોની સેવાઓને બિરદાવી હતી.