টিংখাঙৰ ডিকচাম চাহ বাগিছা খেলপথাৰত অনুষ্ঠিত হোৱা স্বৰ্গীয় ভুৱন তামাং সোঁৱৰণি প্ৰাইজমাণি ফুটবল প্ৰতিযোগিতা দেওবাৰে সফল সামৰণি পৰে। ২৮ আগষ্ট পৰা অনুষ্ঠিত হোৱা প্ৰাইজমাণি ফুটবল প্ৰতিযোগিতাৰ সামৰণি চূড়ান্ত খেলখন ঔফুলিয়া গাঁও এফ চি বনাম খেৰণী গাঁও এফ চি মাজত অনুষ্ঠিত হয়। উক্ত চূড়ান্ত খেলখন শুভ উদ্ধোধন কৰে অসম জাতীয় পৰিষদৰ সভাপতি লুৰীণজ্যোতি গগৈয়ে। তীব্ৰ উত্তেজনাপূৰ্ণ খেলখন প্ৰথমাৰ্ধ আৰু দ্বিতীয়াৰ্ধত গ’ল শূণ্য ভাবে সমাপ্তি হয় যদিও ট্ৰাই বেকাৰৰ জৰিয়তে ঔফুলিয়া গাঁও এফ চি ফুটবল দলে খেৰণী গাঁও এফ চি ফুটবল দলক ১ গ'লৰ ব্যৱধানত পৰাস্ত কৰি চুড়ান্ত বিজয়ীৰ সন্মান অৰ্জন কৰিবলৈ সক্ষম হয়।