অগপৰ ভাতৃ সংগঠন অসম কৃষক পৰিষদৰ দৰং জিলা সমিতি গঠন।মঙ্গলদৈ, ১৪ জুলাইঃ অসম গণ পৰিষদৰ দৰং জিলা সমিতিৰ কাৰ্যালয়ত অগপৰ ভাতৃ সংগঠন অসম কৃষক পৰিষদৰ দৰং জিলা সমিতিখন আজি গঠন কৰা হয়। জিলা সমিতিৰ সভাপতি কমলেশ্বৰ বৰুৱাৰ সভাপতিত্বত অনুষ্ঠিত কৃষক সভাত অংশগ্ৰহণ কৰি কেন্দ্ৰীয় সমিতিৰ সাংগঠনিক সম্পাদক হবিবৰ ৰহমানে অসম চৰকাৰৰ কৃষি মন্ত্ৰী অতুল বৰাই আগবঢ়োৱা কেইবাটাও অভিলাখী আঁচনিৰ কথা কৃষক ৰাইজ আগত অৱগত কৰাৰ উপৰিও এইসমূহ আঁচনিৰ পৰা যাতে প্রকৃত কৃষক বঞ্চিত নহয় তাৰ ওপৰত চোকা নৰজৰ ৰাখিবলৈ অগপৰ দলীয় নেতা-কর্মী সকল আহ্বান জনায়। দৰং জিলা সমিতিৰ সাধাৰণ সম্পাদক স্বৰাজ ডেকাই আঁত ধৰা অনুষ্ঠানটিত শতাধিক কৃষক ৰাইজে অংশগ্রহণ কৰে। উল্লেখ্য যে দৰংত অগপৰ হেৰুৱা সাংগঠনিক ভেটি পুনৰ উদ্ধাৰ বাবে অসম কৃষক পৰিষদৰ দৰং জিলা সমিতিখন ন ৰূপত গঠন কৰা হয়। মঙ্গলদৈৰ সৰবৰাহী শিক্ষিত যুৱক ফাইজুল হকক সভাপতি, বাপুকণ নাথক উপ সভাপতি আৰুনজৰুল আলমক সম্পাদক হিচাপে লৈ এখন ৩১ জনীয়া শক্তিশালী কমিটি গঠন কৰে। উল্লেখযোগ্য যে দৰঙত অগপৰ জিলা সভাপতি কমলেশ্বৰ বৰুৱাৰ নেতৃত্বত পুনৰ উথানৰ বাবে তৎপৰতা অৱলম্বন কৰা পৰিলক্ষিত হৈছে।