দৰং জিলাৰ লোক নিৰ্মাণ বিভাগৰ দায়িত্ববাহী ঠিকাদাৰৰ লগতে বিভাগীয় বিষয়াৰ সোপাধিলা কামৰ নমুনা । ছিপাঝাৰ ৰাজহচক্ৰৰ অন্তৰ্গত এটা গুৰুত্বপূৰ্ণ পথত ৰাজহ গাঁৱৰ নামৰ বানান ভুল কৰি লগালে ফলক । দুমুনিচকী-কুৰুৱা সংযোগী গড়কাপ্টানী পথৰ দাঁতিত লগোৱা ফলকে এতিয়া সধাৰণ ৰাইজৰ চকু কপালত তুলিছে । উল্লেখ্য যে , নতুনকৈ পকীকৰণৰ কৰি নিৰ্ধাৰিত ঠাইত যিবোৰ ফলক গড়কাপ্তানি বিভাগে লগাইছে তাৰ প্ৰায়বোৰ ফলকতে বানানবোৰ সাংঘাটিকভাৱে ভুল। ইয়াকে লৈ অঞ্চলটোত অঞ্চলটোত তীব্ৰ প্ৰতিক্ৰিয়াৰ সৃষ্টি হৈছে । বিভিন্ন ঠাইৰ লগতে হেটামতোলা আৰু গনেশকুঁৱৰী গাঁৱৰ নাম ইংৰাজীত বিকৃত ৰূপত ফলকত লগোৱাক কেন্দ্ৰ কৰি বিভাগটোৰ বিৰুদ্ধে সৰব হৈ পৰিছে সচেতন ৰাইজ ৷ দায়িত্বৰত ঠিকাদাৰ আৰু বিভাগীয় বিষয়াৰ এনে দায়িত্বহীন কাণ্ডই স্তম্ভিত কৰি তুলিছে সৰ্বসাধাৰণ লোকক ৷ যাৰবাবে অসমীয়া ভাষা ব্যৱহাৰ কৰি শুদ্ধ ৰূপত নাম ফলক লগাব লাগে বুলি দাবী জনাইছে অঞ্চলটোৰ স্থানীয় সচেনত ৰাইজে ।