जामखेड (प्रतिनिधी) जामखेड ते साकत रोडवरील धोत्री फाट्याजवळ स्कार्पिओ व मोटारसायकल च्या झालेल्या आपघातात मोटारसायकल वरील अमर मारुती ढवळे याचा जागीच मृत्यू झाला. त्यामुळे सावरगाव परीसरात हळहळ व्यक्त केली जात आहे. जामखेड तालुक्यातील सावरगाव येथील अमर मारूती ढवळे वय ३५ हे काल दि १५ सप्टेंबर २०२२ रोजी संध्याकाळी साकतफट्यावर काही सामान घेण्यासाठी आले होते. सामान घेऊन ते पुन्हा साकत फाट्यावरुन आपल्या सावरगाव या ठीकाणी मोटारसायकलवर चालले होते. या वेळी साकत कडून जामखेड कडे भरघाव वेगाने येणाऱ्या एम एच १६ सीजे ८०५५ स्कॉर्पिओ गाडीने धोत्री फाट्याजवळ सायंकाळी सात वाजण्याच्या सुमारास या मोटारसायकलला जोराची धडक दिली. या आपघातात अमर ढवळे रा. सावरगाव यांचा जागीच मृत्यू झाला. यामुळे सावरगाव परिसरात हळहळ व्यक्त केली जात आहे. अपघातानंतर स्काॅर्पिओ गाडी निघून गेल्यानंतर गाडीच्या नंबरप्लेटचा एक शेवटच्या नंबरचा टुकडा त्या ठिकाणी पडलेला होता. तसेच काही लोकांनी भरधव वेगाने जाणारी गाडी पाहिली होती तेव्हा सावरगाव येथील मुलांनी गाडीचा शोध घेतला असता सदर स्कार्पिओ ही जामखेड येथील आसल्याचे लक्षात आले आहे. जामखेड पोलीसांत राजेंद्र अप्पा ढवळे,४४, हनुमान वस्ती,सावरगाव यांनी जामखेड पोलीस स्टेशनला खबर दिली आहे. पोलीस घटनास्थळी दाखल झाले होते. अमर ढवळे यास ग्रामीण रुग्णालय दाखल केले असतात डॉक्टरांनी त्यास मृत घोषित केले. डॉ शंशाक वाघमारे यांनी शवविच्छेदन केले रात्री अकरा वाजता शोकाकुल वातावरणात सावरगाव हनुमान वस्ती येथे अंत्यसंस्कार करण्यात आले. मयत अमर ढवळे याच्या मागे आई- वडील, पत्नी, भाऊ असा परिवार आहे. ग्रामीण रुग्णालयात मोठ्या प्रमाणावर सावरगाव येथील तरूण जमा झाले होते. पोलीसांनी सध्या अकस्मात मृत्यू ची नोंद केली आहे.