অবশেষত শোণিতপুৰৰ ৰঙাপৰা সমষ্টিৰ অন্তৰ্গত মানশিৰি বাসীৰ বাবে আহিল সুখৰ খৱৰ ৷ আৰম্ভ হ’ল একাদশ আৰু দ্বাদশ শ্ৰেণীৰ পাঠদান ৷ মানশিৰি উচ্চতৰ মাধ্যমিক বিদ্যালয়ৰৰ একাদশ আৰু দ্বাদশ শ্ৰেণীৰ পাঠদানৰ শুভাৰম্ভ কৰা হয় ৷ লগতে বিদ্যালয়খনৰ শ্ৰেণী কোঠাৰ শুভাৰম্ভ কৰে ৰঙাপৰা সমষ্টিৰ বিধায়ক কৃষ্ণ কমল তাঁতীয়ে ৷ স্থানীয় ৰাইজ তথা শিক্ষাৰ্থী সকলে ৰঙাপৰা সমষ্টিৰ মানশিৰি বিদ্যালয় খনত একাদশ আৰু দ্বাদশ শ্ৰেণীৰ পাঠদানৰ বাবে দাবী জনাই অহাৰ পিচতে চৰকাৰে উক্ত বিদ্যালয়খন উচ্চতৰ মাধ্যমিকলৈ উন্নিতকৰণ কৰে। উল্লেখ্য যে উক্ত অঞ্চলৰ ছাত্ৰ-ছাত্ৰী সকলে উচ্চ শিক্ষাৰ বাবে অন্য ঠাইলৈ যাবলগীয়া হৈছিল৷