কাজিৰঙাত পথ নিৰ্মাণত নামিল গাওঁৰ ৰাইজ। বৰবিল মিচিং গাওঁৰ ৰাইজে অৱশেষত নিজেই নামিল পথ মেৰামতিত। উল্লেখ্যে যে নিৰ্বাচনৰ সময়ত বিধায়ক তথা মন্ত্ৰী অতুল বৰাই প্ৰতিশ্ৰুতি প্ৰদান কৰাৰ পিছতো ৩৭ নং ৰাষ্ট্ৰীয় ঘাইপথ সংযোগী বৰবিল-মিচিং গাওঁৰ পথটোৰ দুৰৱস্থাৰ বাবে হাহাকাৰ কৰিবলগীয়া হৈছে গাওঁখনৰ ৰাইজে। উপায়ন্তৰ হৈ ৰাইজে নিজেই পথটো মেৰামতি কৰাৰ সিদ্ধান্ত লয়।স্মৰ্তব্য যে কাজিৰঙা ৰাষ্ট্ৰীয় উদ্যানৰ ২য় সংযোজনৰ অধীনত পৰাৰ বাবেই গাওঁখনত বন্ধ কৰি ৰখা হৈছে সকলো উন্নয়নমূলক কাম কাজ।