જૂનાગઢના દોલતપરામાં પિતાએ મોબાઈલ લેવાની ના પાડતા પુત્રીએ એસિડ પી આપઘાતનો પ્રયાસ કરતાં સારવારમાં અત્રેની સિવિલે ખસેડાઇ હતી. બનાવ અંગે સિવિલ ચોકીના સ્ટાફે જૂનાગઢ પોલીસને જાણ કરી હતી. પ્રાપ્ત વિગત અનુસાર, દોલતપરમાં રેહતી નિર્મળા લક્ષમણ સોલડીયા (ઉ.વ.17) ગત રોજ ઘરે હતી ત્યારે તેના પિતાને તમે ભાઈને મોબાઈલ લઈ દીધો છે તો મને પણ લઈ દયો તેવું કહેતાં તેના પિતાએ ભાઈના મોબાઈલના હપ્તા ભરાઈ જાઈ પછી તેને લઈ દેશું કહેતા તેને લાગી આવતાં પગલું ભરી લીધું હતું. બીજા બનાવમાં વિસાવદરના વેકરિયામાં રહેતાં રીંકુબેન જેશરભાઈ મસાર ગર્ભવતી હોઈ ગત રોજ તેને દુખાવો ઉપડતાં સારવારમાં અમરેલી સિવિલે ખસેડાઇ હતી જ્યાં તેને બાળકીને જન્મ આપ્યો હતો. જે ભાન થઈ જતાં વધુ સારવારમાં અત્રેની સિવિલે ખસેડાઇ હતી. જ્યાં ફરજ પરના તબીબે મૃત જાહેર કરી હતી. બનાવ અંગે સિવિલ ચોકીના સ્ટાફે વિસાવદર પોલીસને જાણ કરી હતી.