ছাত্ৰ-ছাত্ৰী কম থকাৰ বাবে শিক্ষা বিভাগে ৰাজ্যৰ বহু বিদ্যালয় বন্ধ কৰি আন বিদ্যালয়ৰ সৈতে ইতিমধ্যে সংলগ্ন  কৰি দিছে । দেৰগাৱঁৰ টেকেলা বৰুৱা গাৱঁৰ গোপাল বৰা প্ৰাথমিক বিদ্যালয় খনো অঞ্চলটোৰ অন্য এখন বিদ্যালয়ৰ সৈতে সংলগ্ন কৰি বন্ধ কৰি দিয়া হৈছে । পিছে শিক্ষা বিভাগৰ এই সিদ্ধান্তত সন্তুষ্ট নহয় অঞ্চলবাসী । ৰাইজে নিজৰ প্ৰচেষ্টাৰে বিদ্যালয় খনত পাঠদান কৰিছে ছাত্ৰ ছাত্ৰীক । চৰকাৰী শিক্ষকৰ অনুপস্থিতিত স্থানীয় শিক্ষিত যুৱতীয়ে শিক্ষাদান কৰিছে বিদ্যালয় খনত । গাৱঁৰ এশ ঘৰ লোকে যোগান ধৰিছে মধ্যাহ্ন ভোজনো । ৰাইজৰ স্পষ্ট মত কোনো কাৰণতেই বন্ধ হ'বলৈ দিয়া নহয় এইখন বিদ্যালয়