চাবুৱা বিধানসভা সমষ্টিৰ অন্তৰ্গত ধেলাখাট-তিনিচুকীয়া সংযোগী জৰাজীৰ্ণ পথটোৱে এতিয়া জ্বলাকলা খোৱাইছে সাধাৰণ জনতাক ৷ দীৰ্ঘদিনধৰি পথটো বিভাগীয় কতৃপক্ষৰ লগতে অইল ইণ্ডিয়া লিমিটেডে কোনো গুৰুত্ব প্ৰদান সৰৱ হৈ পৰিছে সাধাৰণ ৰাইজ। ইফালে, উক্ত পথটোৰ কাষতে তিনিচুকীয়া সমষ্টিৰ বিধায়ক তথা শ্ৰম মন্ত্ৰী সঞ্জয় কিষানৰ গাৱঁৰ ঘৰ ৷ জৰাজীৰ্ণ পথটোৱেদি মন্ত্ৰী, বিধায়কৰ লগতে অইল ইণ্ডিয়া লিমিটেডৰ বাহন অহাযোৱা কৰে যদিও আজিপৰ্য্যন্ত নিৰ্মাণত কোনো গুৰুত্ব প্ৰদান কৰা নাই ৷ অতিসোনকালে যদি উক্ত পথটো মেৰামতি নকৰে তেন্তে অইল ইণ্ডিয়া লিমিটেডৰ বিৰুদ্ধে প্ৰতিবাদ গঢ়ি তুলাৰ হুংকাৰ প্ৰদান কৰিছে স্থানীয় ৰাইজে ৷