সংবাদদাতা, টংলাঃ নাৰী সকল আত্ম নিৰ্ভৰশীল হব পৰাকৈ কেন্দ্ৰীয় আৰু ৰাজ্য চৰকাৰে বিভিন্ন সময়ত বিভিন্ন ধৰণৰ আঁ‌চনি প্ৰনয়ণ কৰি আহিছে। তাৰ মাজতে গ্ৰামাঞ্চলৰ নাৰী সকলেও যাতে দেশৰ প্ৰাচীণ ক’লা হস্ততাঁ‌ত আৰু বস্ত্ৰ শিল্পৰ দ্বাৰা ঘৰতে বস্ত্ৰ তৈয়াৰ কৰি স্বাভলম্বী হ’ব পাৰে সেই সন্দৰ্ভত নৱ প্ৰজন্মৰ লগতে নাৰী সমাজক সজাগ সচেতন কৰি তোলাৰ উদ্দেশ্য ৩০ আগষ্টত ওদালগুৰি জিলাৰ টংলাস্থিত ৰতনপুৰ ভিচিডিচি কাৰ্যালয়ত ওদালগুৰি জিলা হস্ততাঁ‌ত আৰু বস্ত্ৰ শিল্প বিভাগৰ দ্বাৰা স্ব-নিৰ্ভৰশীল নাৰী নামৰ এক সজাগতা কাৰ্যসূচী অনুষ্ঠিত হয়। সজাগতা কাৰ্যসূচীত অঞ্চলটোৰ অৰ্ধশতাধিক শিপিনী নাৰী উপস্থিত থকাৰ লগতে ওদালগুৰি জিলা হস্ততাঁ‌ত শিল্প আৰু বস্ত্ৰ বিভাগৰ সংগঠক বিমলা খাকলাৰীয়ে উপস্থিত থাকি হস্ততাঁ‌ত শিল্প জীয়াই ৰাখিবলৈ অহ্বান জনায়।