টিংখাঙত কদমনি মধ্য ও উচ্চ মাধ্যমিক বিদ্যালয় গৃহত অগ্নিকাণ্ড, ৰান্ধনি গৃহ সম্পূৰ্ণ ৰূপে ভস্মীভূত

ডিব্ৰুগড় জিলাৰ টিংখাঙৰ কদমনি মধ্য ও উচ্চ মাধ্যমিক বিদ্যালয়ত আজি সংঘটিত হয় ভয়ংকৰ অগ্নিকাণ্ডৰ ঘটনা। নিশা প্ৰায় ৭ বজাত সংঘটিত হোৱা এই অগ্নিকাণ্ডৰ ঘটনাৰ ফলত বিদ্যালয়খনৰ ৰান্ধনী শালটো সম্পূৰ্ণৰূপে ভস্মীভূত হোৱাৰ লগতে বিদ্যালয়ৰ মূল গৃহৰো বহু পৰিমাণে ক্ষতিসাধন হয়। অৱশ্যে স্থানীয় ৰাইজ আৰু অগ্নি-নিৰ্বাপক বাহিনীৰ  তৎপৰতাত অধিক ক্ষয়-ক্ষতিৰ পৰা ৰক্ষা পৰে বিদ্যালয়খন। টিংখাং থানাৰ আৰক্ষী ঘটনাস্থলীত উপস্থিত হৈ তদন্ত অব্যাহত ৰাখিছে যদিও অগ্নিকাণ্ডৰ কাৰণ অদ্যাপি জানিব পৰা হোৱা নাই।