২৮ আগষ্ট তাৰিখে সমগ্ৰ অসমৰ লগতে মাজুলী জিলাতো অনুষ্ঠিত হ'বলগীয়া তৃতীয় বৰ্গৰ চাকৰিত নিযুক্তিৰ বাবে লিখিত পৰীক্ষাৰ প্ৰস্তুতি সম্পৰ্কীয় আলোচনাৰ বাবে আজি জিলা উপায়ুক্ত কাৰ্য্যালযৰ সভাকক্ষত সকলো বিদ্যাল়য় মহাবিদ্যালয় সমূহৰ প্ৰধান সকলৰ লগত এখন সভা অনুষ্ঠিত হয়। উক্ত সভাত জিলা উপায়ুক্ত মহোদয়ে জানিবলৈ দিয়া মতে পুৱা 7.30 বজাত কেন্দ্ৰৰ মূল প্ৰবেশদ্বাৰ পৰীক্ষাৰ্থী সকলৰ বাবে খুলি দিয়া হ'ব। উপায়ুক্ত মহোদয়ে সকলো অধ্যক্ষ তথা প্ৰধান শিক্ষকক পৰীক্ষা সম্পৰ্কীয় সকলো নীতি নিয়ম কঠোৰভাৱে মানি চলি সুকলমে পৰীক্ষা অনুষ্ঠিত কৰিবলৈ আহ্বান জনায়।