একাংশ অবিবেচক লোকৰ কাৰণে ক্ৰমাৎ লেতেৰা হৈছে বিশ্ব ঐতিহ্যক্ষেত্ৰ কাজিৰঙা।এইক্ষেত্ৰত কোনো গুৰুত্ব নাই বন বিভাগ, পৰ্যটন বিভাগ,বোকাখাত মহকুমা প্ৰশাসনৰ।আচৰিত কথাটো হৈছে কাজিৰঙাৰ পৰ্যটনৰ মূল দ্বাৰ কহঁৰাত এতিয়া কদৰ্যময় পৰিবেশ।দেশী বিদেশী পৰ্যটকৰ অন্যতম পচন্দৰ ঠাই কাজিৰঙাৰ কহঁৰাৰ এই পৰিবেশে আচৰিত কৰিছে সচেতন লোকসকলক। পৰ্যটন বৰ্ষলৈ মাজত মাত্ৰ এটা মাহ বাকী থকা অৱস্থাত এই কদৰ্যময় পৰিবেশে চিন্তিত কৰিছে সকলোকে। বিধায়ক মৃণাল শইকীয়াও কাজিৰঙাৰ এই লেতেৰা পৰিবেশক লৈ টুইট কৰা পৰিলক্ষিত হৈছে।