नांदुरा:दि.२२.नांदुरा मोताळा रोडवर महाळूंगी जवळ चारचाकी व दुचाकी मधे जबर अपघात होऊन दुचाकीस्वार गंभीर जखमी झाला आहे.

याबाबत सविस्तर असे की मोताळा वरून नांदुरा येणारी चारचाकी मारुती सुझुकी गाडी क्रमांक एम एच १२ डी वाय ५६७५ व नांदुरा कडून मोताळा जाणारी टिव्हीएस कंपनीची दुचाकी एम एच २८ ए पी २१८९ यामधे अतिशय जोरदार धडक होऊन दुचाकीचा अगदी चुरा होऊन दुचाकीस्वार गंभीर जखमी झाला असून चारचाकी गाडी चालकाच्या छातीला मार लागला आहे. ही घटना दि.२२ ऑगस्ट २०२२ रोजी सायंकाळी ५ वाजेच्या सुमारास घडली. अपघात झाल्याचे समजताच महाळूंगी येथील सुजाण नागरिक घटनास्थळी पोहचल्या नंतर रुग्णवाहिकेला बोलावले. रुग्णवाहिका आल्यानंतर जखमींना नांदुरा येथे हलविण्यात आले.वृत्त लीहेपर्यंत अपघात ग्रस्तांची ओळख पटली नव्हती