মাজুলীৰ অন্যতম উচ্চ শিক্ষানুষ্ঠান উজনি মাজুলী খেৰকটীয়া মহাবিদ্যালয়ত ৪ আগষ্টৰ পৰা ১৫ আগষ্টলৈকে বিভিন্ন কাৰ্যসূচীৰে আজাদী কা অমৃত মহোৎসৱ উদযাপন কৰা হয়। সেই উপলক্ষে ৪ তাৰিখে শিক্ষক আৰু ছাত্র- ছাত্ৰী সকলৰ মাজত সজাগতা সভা, ১১ তাৰিখে শোভাযাত্রা, ১২ তাৰিখে অঞ্চলটোৰ গাঁৱসমূহত জাতীয় পতাকা বিতৰণ আৰু সজাগতা, ১৩ আৰু ১৪ তাৰিখে পুৱা ৭:৩০ বজাত মহাবিদ্যালয়ত জাতীয় পতাকা উত্তোলন কাৰ্যসূচী ৰূপায়ণ কৰা হয়। অন্যহাতে ১৫ আগষ্টৰ পুৱা মহাবিদ্যালয়ত জাতীয় পতাকা উত্তোলন কৰাৰ উপৰি স্বাধীনতা দিৱসৰ তাৎপৰ্যৰ বিষয়ে আলোচনা কৰা হয়।