ওদালগুৰিত ৭৬ সংখ্যক স্বাধীনতা দিৱস পালন কৰা হয়।দেশৰ বিভিন্ন প্ৰান্তৰ লগতে ওদালগুৰিতো অতি উলহ মালহৰে পালন কৰা হয় দেশৰ ৭৬ সংখ্যক স্বাধীনতা দিৱস। এই উপলক্ষে ওদালগুৰি জিলা প্ৰশাসনৰ উদ্যোগত জিলা উপায়ুক্ত পেৰেড গ্ৰাউণ্ডত কেন্দ্ৰীয়ভাবে আয়োজন কৰা স্বাধীনতা দিৱসৰ বৰ্ণাঢ্য কাৰ্যসূচীত মুখ্য অতিথি হিচাপে উপস্থিত‌ থাকি ভাৰতীয় জাতীয় পতকা উত্তোলন কৰে বিটিআৰৰ উপমুখ্য কাৰ্যবাহী সদস্য তথা ওদালগুৰিৰ বিধায়ক গোবিন্দ বসুমতাৰীয়ে। স্বাধীনতা দিৱসৰ এই বৰ্ণাঢ্য কাৰ্যসূচীত আৰক্ষীৰ লগতে ওদালগুৰিৰ ২২খন বিদ্যালয়ত ছত্ৰ-ছাত্ৰীয়ে মাৰ্চ পাৰ্চত অংশগ্ৰহণ কৰি মুখ্য অতিথিক অভিবাদন জ্ঞাপন কৰে। অনুষ্ঠানটোৰ লগত সংগতি ৰাখি বিভিন্ন বিভাগৰ উদ্যোগত প্ৰতীক পট প্ৰদৰ্শনৰ লগতে বাৰে ৰহণীয়া সাংস্কৃতিক অনুষ্ঠান প্ৰদৰ্শন কৰা হয়।