মৰাণত আজি কংগ্ৰেছ বিধায়িনি দলৰ দলপতি দেৱব্ৰত শইকীয়া উপস্থিত হৈ বিজেপি চৰকাৰখনক কঠোৰ সমালোচনা কৰে । তেওঁ বিজেপিৰ হৰ ঘৰ ত্ৰিৰংগা কাৰ্যসূচীক কঠোৰ সমালোচনা কৰি কয় যে অসম চৰকাৰে অসমৰ শিপিনী সকলক ভাতে মৰাৰ পদক্ষেপ লৈছে । ৰাষ্ট্ৰীয় পতাখন তাতশালত হাতে বোৱা কাপোৰ হ'ব লাগে । কিন্তু বিজেপি চৰকাৰখনে আইন সংশোধন কৰি পলিষ্টাৰ কাপোৰেৰে বনিক গোষ্ঠীক সহায়ৰ বাবে পতাকা বনাইছে । এক কথাত বিজেপি চৰকাৰখনে ৰাষ্ট্ৰীয় পতাকাখনক লৈও ব্যৱসায় আৰম্ভ কৰি দিছে বুলি কংগ্ৰেছৰ নেতাজনে মন্তব্য কৰে । উল্লেখযোগ্য যে ৭৫ সংখ্যক বৰ্ষপূৰণ উপলক্ষে "স্বাধীনতাৰ গৌৰৱময় যাত্ৰা ৯ ৰ পৰা ১৫ আগষ্ট" শীৰ্ষক এক সমদল মাহমৰা আৰু লাকুৱা ব্লক কংগ্ৰেছ কমিটি উদ্যোগত আজি বাহিৰ কৰা হয় । এই কাৰ্যসূচী ৰূপায়নৰ বাবেই আজি মৰাণত উপস্থিত হয় কংগ্ৰেছ বিধায়িনি দলৰ দলপতিজন