બનાસકાંઠા SOG પોલીસે શિહોરી વિસ્તારમાંથી ત્રણ કિલોથી વધુ ચરસના જથ્થા સાથે બે આરોપીઓને ઝડપી પાડી 11 લાખથી વધુનો મુદ્દામાલ કબ્જે કર્યો છે. SOG પોલીસ શિહોરી વિસ્તારમાં પેટ્રોલિંગમાં હતી ત્યારે બાતમી મળતાં આ કાર્યવાહી કરી હતી.

બાતમી મળતાં SOGએ બલોચપુરામાં આવેલા એક આશ્રમમાં રેડ કરી હતી. જ્યાંથી ચરસ સ્ટીકો 247 નંગ, જેનું વજન 3.104 કિલો. 1 લાખ 97 હજાર રોડકા અને એક કાર મળી કુલ 11 લાખ 73 હજારના મુદ્દામાલ સાથે પુજારી અને એક અન્ય શખ્સને ઝડપી પાડ્યો હતો. જે અન્ય શખ્સ ઝડપાયો એની જોડેથી આર્મી જવાનનું આઇકાર્ડ પણ મળી આવ્યું હતું.

SOGની આ કાર્યવાહીમાં બાબા દયાલગીરી નામનો જે પુજારી ઝડપાયો છે જેણે આગાઉ પણ નાર્કોટિક્સના ગુનામાં જેલ ભોગવેલી છે. જ્યારે અન્ય રાજવીરસિંહ મેઘસિંહ જાટ નામનો શખ્સ ઝડપાયો છે. એની જોડેથી આર્મી PTRનું કાર્ડ મળ્યું છે. જે ઉત્તર પ્રદેશના મથુરાના ભીક્કા ખેરા નગલા ગામનો હોવાનું સામે આવ્યું છે. હાલ પોલીસે બંને આરોપીઓ સાથે મુદ્દામાલ કબ્જે કરીને આગળની કાર્યવાહી હાથ ધરી છે.