কামৰূপ আৰু নলবাৰী জিলা  সংযোগী এটি পথ হ’ল বগল’চ ৰোড৷মনকৰিবলগীয়া যে উক্ত পথটো দীৰ্ঘ বছৰৰ পৰা সম্পূৰ্ণকৈ যোগাযোগৰ বিচিন্ন হৈ আছিল৷উক্ত পথত বৰলীয়া নৈৰ ওপৰৰ চমুখাত থকা পকী দলংখন পোন্ধৰ বছৰে পৰিত্যক্ত অৱস্থাৰ পৰা বৰ্তমান সম্পূৰ্ণ হৈছে৷তাৰপিচতো পথৰো যাতায়তৰ সুগম হোৱা নাই৷ইয়াৰে বৰলীয়া নৈৰ পশ্চিম দিশৰ পৰা বগল’চ ৰোড চকলৈ পথ চোৱা প্লেভাৰ ব্লকৰে পকী কৰিছিল যদিও তাক বৰ্তমান উখহি বিপদজনক হবলৈ গৈ আছে৷ইয়াৰ মাজতে ১নংধুহিত থকা পকীদলংৰ পশ্চিম দিশত এটি প্ৰকাণ্ড গাত হৈ বিপদ জনক হৈ পৰিছে৷উক্ত গাতটো সোনকালে মেৰামতি নকৰিলে ভয়াবহ বিপদৰ আশংকা কৰিছে স্থানীয় ৰাইজে৷সেয়েহে ৰাইজে শিঘ্ৰে উক্ত গাতটো মাৰি পথটো সুচল কৰাৰ বাবে দাবী জনাইছে৷