હળવદ શહેર તેમજ ગ્રામ્ય પંથકમાં દારૂના વેપલાને નાથવા માટે હળવદ પોલીસ દ્વારા જુદી જુદી રીતે કાર્યવાહી હાથ ધરવામાં આવી રહી છે. ત્યારે સુરવદર ગામે શોભાસર સીમમાં જવાના રસ્તે ઈંગલીશ દારૂની બોટલો વેચતો હોવાની બાતમીના આધારે પોલીસે ત્યાં રેડ કરતા ઈંગલીશ દારૂની બોટલ નંગ-30 ઝડપી પાડી હતી. જ્યારે આ કાર્યવાહી દરમિયાન આરોપી ભાગવામાં સફળ રહ્યો હતો. પોલીસે રૂપિયા 25,500નો મુદ્દામાલ ઝડપી લઈ આરોપી ધર્મેન્દ્રભાઈ ઉર્ફે ધમો કરશનભાઈ સામે ગુનો નોંધીને તેને ઝડપી પાડવા હળવદ પોલીસે ચક્રો ગતિમાન કર્યા છે.