সোণাৰি জুনিয়ৰ কলেজত অভিনন্দন অনুষ্ঠান সম্পন্ন

সোণাৰিৰ অগ্ৰণী ব্যক্তিগত খণ্ডৰ শিক্ষানুষ্ঠান সোণাৰি জুনিয়ৰ কলেজত আজি এক অভিনন্দন অনুষ্ঠান অনুষ্ঠিত হৈ যায়। চলিত বৰ্ষত শিক্ষানুষ্ঠানখনৰ পৰা উচ্চতৰ মাধ্যমিক শিক্ষান্ত পৰীক্ষাত সুখ্যাতিৰে উত্তীৰ্ণ হোৱা ছাত্ৰ ছাত্ৰী সকলক অভিনন্দন জ্ঞাপন জনোৱাৰ উদ্দেশ্যে উদ্দেশ্যে আয়োজন কৰা অনুষ্ঠানটোৰ আৰম্ভণিতে শিক্ষানুষ্ঠানখনৰ অধক্ষ ৰশ্মিৰেখা মোহনে আদৰণি ভাষণ আগবঢ়ায়। শিক্ষানুষ্ঠানখনৰ ছাত্ৰ ছাত্ৰী সকলে পৰিৱেশন কৰা নানা সাংস্কৃতিক অনুষ্ঠানৰ মাজতে অনুষ্ঠানটোত বিশিষ্ট অতিথি হিচালে উপস্থিত থকা শ্ৰীমন্ত শংকৰদেৱ বিশ্ববিদ্যালয়ৰ সহকাৰী অধ্যাপক চন্দ্র কমল চেতিয়া, সোণাৰি মহাবিদ্যালয়ৰ প্ৰাক্তন প্ৰবক্তা ডঃ ৰানা কোঁৱৰ, ভগৱতীপ্ৰসাদ বৰুৱা সোঁৱৰণী উচ্চতৰ মাধ্যমিক বিদ্যালয়ৰবাব আধক্ষ ভক্ত বাহাদুৰ নেৱাৰ, সোণাৰি পৌৰসভাৰ উপ পৌৰপতি স্বাক্ষৰজ্যোতি গগৈ, সোণাৰি কমাৰ্চ কলেজৰ গ্ৰান্থাগাৰিক ডঃ বিনীতা শইকীয়া আদিয়ে ভাষণ দিয়ে। বিপ্লৱজ্যোতি ৰাজখোৱাই আঁতধৰা অনুষ্ঠানটোত বিদ্যালয়খনৰ ছাত্ৰ ছাত্ৰী সকলে বিভিন্ন গীত, নৃত্যৰ আদি পৰিৱেশন কৰে। অনুষ্ঠানটোত শিক্ষানুষ্ঠান খনৰ পৰা উচ্চতৰ মাধ্যমিক শিক্ষান্ত পৰীক্ষাত সুখ্যাতিৰে উত্তীৰ্ণ হোৱা কৃতি ছাত্ৰ ছাত্ৰী সকলৰ লগতে বিগত বর্ষৰ শ্ৰেষ্ঠ শিক্ষাৰ্থী সকলক পুৰস্কৃত কৰা হল।