પ્રાપ્ત માહિતી અનુસાર મહુવા તાલુકાના કઢૈયા ગામે હનુમાનજી ફળીયા ખાતે રહેતા જયેશભાઇ ગંભીર ભાઈ પટેલ ના ખેતરમાંથી તા.04.05.2023 ના રોજ સવારે માત્ર 4 થી 5 દિવસનું જ દીપડીનું બચ્ચું ખેતરમાંથી મળી આવતા વિસ્તારના લોકોમાં કુતુહલ સર્જાયું હતું.અને લોકો દીપડીના બચ્ચાને જોવા ઉમટી પડ્યા હતા.દીપડીનું બચ્ચું મળી આવવા અંગે વન વિભાગને જાણ કરાતા વન વિભાગ ની ટિમ દ્વારા દીપડી ના બચ્ચાનો કબજો લીધો હતો દીપડી નું બચ્ચું તંદુરસ્ત હોય ત્યારે રાત્રે દીપડીના બચ્ચાને એના પરિવાર સાથે મિલન થાય તે માટે રાત્રે છોડવામાં આવશે તેવું જાણવા મળ્યું છે.