પાવીજેતપુર તાલુકાના કદવાલ ગામેથી ચાર ભરેલા પ્લાસ્ટિકના કોથળાઓમાંથી ૯૮,૮૦૦ નો વિદેશી દારૂ પકડાયો
महावीर कुल्फी सेन्टर की और से बूंदी वासियों को दीपावली की हार्दिक बधाई व शुभकामनाएं
પાવીજેતપુર તાલુકાના કદવાલ ગામેથી રેડ દરમિયાન ચાર ભરેલી પ્લાસ્ટિકના કોથળાઓ માંથી ૩૨૬ બોટલો,કિંમત રૂપિયા ૯૮,૮૦૦ નો વિદેશી દારૂ પકડી કદવાલ પોલીસે કાયદેસરની કાર્યવાહી હાથ ધરી છે.
પ્રાપ્ત માહિતી મુજબ પાવીજેતપુર તાલુકાના કદવાલ બીટ વિસ્તારમાં કદવાલ પોલીસ પેટ્રોલીંગમાં નિકળેલ હતી, તે દરમ્યાન સાંજના સમયે ૬.૧૦ વાગે કદવાલ ચોકડી પાસે આવતા, પોલીસને અંગત બાતમી હકિકત મળેલ કે કદવાલ નવાપુરા ફળીયામાં રહેતા પ્રવિણભાઈ ૨મેશભાઈ નાયકાનાઓ પોતાના રહેણાંક મકાનમાં ભારતીય બનાવટનો વિદેશી દારૂ છુપાવેલ છે. તેવી ચોકકસ બાતમી આધારે કદવાલ ગામે નવાપુરા ફળીયામાં પ્રવિણભાઈ રમેશભાઈ નાયકાના ઘરે ૬.૨૫ વાગે કદવાલ પોલીસે પ્રોહીબેશન રેઇડ કરવા જતા તેના ઘરનો દરવાજો અડકાવેલ હોય તે દરવાજો ખોલી ઘરમાં જઈ તપાસ કરતા પ્રવિણભાઈ રમેશભાઈ નાયકા કે અન્ય કોઈ ઘરમાં હાજર મળી આવેલ નહિ અને ઘરના એક ખુણામા ચાર ભરેલ પ્લાસ્ટીકના કોથળા મળી આવેલ જે પ્લાસ્ટીકના કોથળા ખોલી જોતા તેમા ભારતીય બનાવટના વિદેશી દારુની પ્લાસ્ટીકની બોટલો, કાચની નાની બોટલો, બીયર ટીન તેમજ બીયરની કાચની બોટલો ગેરકાયદેસર રીતે મળી આવેલ.
પ્રવિણભાઈ રમેશભાઈ નાયકા ( રહે.કદવાલ તા.પાવીજેતપુર, જી. છોટાઉદેપુર )નાએ પોતાના રહેણાંક મકાનમા ભારતીય બનાવટના વિદેશી દારૂના પ્લાસ્ટીકના હોલ નંગ- ૧૭૦, ૧૮૦ મી.લી. કાચના કવાટરીયા નંગ-૬૦, ૬૫૦ મી.લી. કાચની બીયરની બોટલો નંગ-૪૮ તથા ૫૦૦ મી.લી. પતરાના ટીન બીયર નંગ-૪૮ મળી નાની મોટી કુલ બોટલો નંગ-૩૨૬ કુલ કિમત.રુ.૯૮,૮૦૦/- નો પ્રોહી.મુદ્દામાલ ગેરકાયદેશર રીતેનો રાખી રેઈડ દરમ્યાન ઘરે હાજર નહિ મળી આવતા કદવાલ પોલિસે ગુનો દાખલ કરી કાયદેસરની કાર્યવાહી હાથ ધરી છે.
આમ, કદવાલ પોલીસ દ્વારા બાતમી આધારે કદવાલ ગામમાં પ્રવીણભાઈ રમેશભાઈ નાયકા ના ઘરે રેડ કરી વિદેશી દારૂની બોટલો નંગ ૩૨૬ જેની કિંમત ૯૮,૮૦૦/- નો મુદ્દા માલ જપ્ત કરી કાયદેસરની કાર્યવાહી કરવામાં આવેલ છે.
