खिडकीचे गज वाकवून पाच तोळे सोने व रोख रक्कम चोरट्यांनी केली लंपास
वाघोलीतील घटना
घराच्या खिडकीचे गज वाकवून कपाटात ठेवलेले पाच तोळ्याचे सोन्याचे दागिने व ४७ हजारांची रोख रक्कम चोरट्यांनी लंपास केल्याची घटना वाघोली येथील गुलमोहर सिटी सोसायटीच्या पाठीमागे घडली असून याप्रकरणी रामदास पाखरे यांनी पोलिसात तक्रार दिली आहे.
याबाबत मिळालेल्या माहितीनुसार, रामदास पाखरे व त्यांचे कुटुंबीय रात्री झोपी गेल्यानंतर शनिवारी (दि. ६) सकाळी पाखरे यांनी बेडरूममध्ये पहिले असता कपाट उघडे होते सामान अस्तव्यस्त पडल्याचे दिसले. खिडकीचे गज कापून कपाटात ठेवलेले तीन तोळ्याचे गंठण, दोन तोळ्याचे मंगळसूत्र व रोख रक्कम ४७ हजार रुपये चोरट्यांनी लंपास केल्याचे समजले.
