অসম চাহ মজদুৰ সংঘ মৰাণ শাখা ডিব্ৰুগড় জিলা মৰাণ ৰাজহ চক্ৰৰ অন্তৰ্ভুক্ত খোৱাং চাহ বাগিচাৰ শ্ৰমিক বিনোদন কেন্দ্ৰত এণ্ড্ৰ ইউল কোম্পানীৰ তিনিটা খোৱাং, ভামুন আৰু হিংৰিজান বাগিচা ইউনিট আৰু মহিলা সমিতিৰ প্ৰতিনিধি সকলৰ যুটীয়া সভাখনি শনিবাৰে নিশা মৰাণ শাখাৰ সভাপতি মনোজ তাঁতীৰ সভাপতিত্বত অনুষ্ঠিত হৈ যায়। সভাত কেন্দ্ৰীয় সংঘৰ কোষাধ্যক্ষ তথা মৰাণ শাখাৰ জ্যেষ্ঠ সম্পাদক- লক্ষেশ্বৰ তাঁতী আৰু সংগঠক ধীৰাজ চাৱাঁচীয়ে উপস্থিত থাকে। সভাখনত বাগিচা সমূহৰ বিভিন্ন সমস্যাৰ সমাধানৰ ক্ষেত্ৰত কেইবাটাও জৰুৰী বিষয়ৰ ওপৰত আলোচনা কৰি ব্যৱস্থা গ্ৰহণ কৰিবলৈ সিদ্ধান্ত গ্ৰহণ কৰা হয়।