অসম গৌৰৱ শিপিনীগৰাকীক লৈ গায়ন-বায়ন, বিহুৰে সমদল গাঁওবাসীৰ

চলিত বৰ্ষত পদ্মশ্ৰী বঁটাৰে অসমৰ লগতে মৰাণলৈ গৌৰৱ কঢ়িয়াই অনা প্ৰখ্যাত বয়ন শিল্পী হেমপ্ৰভা চুতীয়া দিল্লীত ৰাষ্ট্ৰপতিৰ পৰা বঁটা গ্ৰহন কৰি আজি গৃহনগৰী মৰাণ উপস্থিত হয় ৷ অসম গৌৰৱ বঁটাৰেও সন্মানিত বয়ন শিল্পীগৰাকী মৰাণত উপস্থিত হোৱাৰ পাছতে বহু শুভাকাংক্ষী য়ে গামোচা, চেলেং চাদৰ, সম্বৰ্দ্ধনা পত্ৰ আদিৰে আদৰণি জনায় ৷ ইয়াৰ পাছতে শিপিনীগৰাকীক মৰাণৰ ফটিকাচোৱা অভয়পুৰীয়াৰ গৃহলৈ গায়ন-বায়ন, বিহুৰে শোভাযাত্ৰা কৰি আদৰি নিয়া হয় ৷ কেইবাখনো ধৰ্মগ্ৰন্থ তাঁতৰ শালত বৰ্ণবস্ত্ৰ ৰূপ দি একপ্ৰকাৰৰ অসাধ্যকো সাধন কৰি তোলা হেমপ্ৰভা চুতীয়াক আদৰিবলৈ ওলাই আহে গাঁওবাসী ৷ আনহাতে নিজৰ ধৈৰ্য, একাগ্ৰতা আৰু নিষ্ঠাৰ ফলত পদ্মশ্ৰী বঁটা লাভ কৰি উৎফুল্লিত হেমপ্ৰভা চুতীয়া।