গোলাঘাটত গুৱাহাটী উচ্চ ন্যায়ালয়ৰ মহাৰজত জয়ন্তী উদযাপন। গৌৰৱোজ্জল ৭৫ বছৰত ভৰি দিলে গুৱাহাটী উচ্চ ন্যায়ালয়। এই উপলক্ষে আজি গোলাঘাট জিলা ন্যায়াধীশ কাৰ্যালয় চৌহদত উলহ মালহেৰে উদযাপন কৰা হয় মহাৰজত জয়ন্তী। পুৱা বন্তি প্ৰজ্বলন কৰি মহাৰজত জয়ন্তীৰ শুভাৰম্ভ কৰে জিলা সত্ৰ নিয়ায়ধীশ দিব্যজ্যোতি মহন্তই। ইয়াৰ পাছতে বৃক্ষ ৰোপন কাৰ্যসূচী ৰূপায়ন কৰা হয়। উক্ত অনুষ্ঠানৰ পাছতে গুৱাহাটী উচ্চ ন্যায়ালয়ৰ গৌৰৱোজ্জল মহাৰজত জয়ন্তীৰ উপলক্ষে গোলাঘাট ন্যায়পালিকাৰ উদ্যোগত এক সাংস্কৃতিক শোভাযাত্ৰা উলিওৱা হয় । জিলা সত্ৰ ন্যায়ধীশ দিব্যজ্যোতি মহন্তই এই সাংস্কৃতিক শোভাযাত্ৰা উদ্বোধন কৰি ফ্লেগ অফ কৰে । শোভাযাত্ৰাত ন্যায়াধীশ, অধিবক্তা, আৰু ন্যায়ালয়ৰ বিষয়া কৰ্মচাৰী সকলেও অংশগ্ৰহণ কৰে । মহাৰজত জয়ন্তী উপলক্ষে আন কেইবাটাও কাৰ্যসূচী অনুষ্ঠিত হয় কৰা হ'ব বুলি উদ্যোগতাই জানিবলৈ দিয়ে।